Wednesday, October 28, 2015

ගිතය ලියවුනේ මෙහෙමයි 03 - කන්ද කෙන්ද කරනු පිනිස කන්දට ගරහාලා


මාලනී බුලත්සිංහල මහත්මිය ආනන්ද බාලිකාවේ සංගීත ගුරුවරියව හිටියලු කාලයක්.. මේ ඉන්න අතරේ එයා එක ශිෂ්‍යවකට ගොඩක් ලෙන්ගතු වෙනව.. කොච්චර හිතවත් වෙනවද කීවොත් මේ ශිෂ්‍යාවගෙ ගෙදර අය එක්කත් සමීප ඇසුරක් පවත්වනව.. ඉතින් මේ නිසාම මේ ශිෂ්‍යාවට සංගිතයෙන් ඉදිරියට යන්න මාලනී බුලත්සිංහල මහත්මිය ගොඩක් උදවු කලාලු.... 



මේ ශිෂ්‍යාවගේ අම්මගෙ ප්‍රසංගයක් තිබිල . ඒකෙ නිවේදන කටයුතු වලට මාලනී මහත්මියගේ මිතුරෙකු උන ප්‍රේම කිර්ති ද අල්විස් මහත්මයව කතා කරල දුන්නලු.. ඒ වගේ මේ ශිෂ්‍යාවටත් ගෙදර අයටත් මාලනී මහත්මිය උදව් කරල තියනව....

කාලය එසේ ගෙවී යද්දී දිනක් මාලනී බුලත්සිංහලයන්ට දුර බැහැර ප්‍රසංගයකට ආරාධනා ලැබුනා.

ඇය අදාල ස්ථානයට ලගාවන විට බොහෝ රෑ බෝවී තිබුනා වගේම විශාල ගායක ගායිකාවන් පිරිසක්ද ප්‍රසංගයේ ගීත ගායනා කිරීම සදහා පැමිණ සිටියා.

අධික ගායක ගායිකාවන් පිරිසක් සිටි බැවින් සහ බොහෝ දුර බැහැර සිට පැමිණිමට ප්‍රමාදවීම නිසා කාලවේලාව ගොස් තිබු බැවින් ඇයට ගායනා කිරීමට අවස්ථාව ලැබී තිබුනේ ටිකක් පහුවෙන්නටය. ඇයට පෙර ගායනා කිරීමට විශාල පිරිසක් සිටියා .

එහෙත් ගමන් තෙහෙට්ටුවත් සමග ඒතරම් කාල වේලාවක් රැදී සිටීමට අපහසු බව දැනුනා. එබැවින් ඇය සංවිධායකයන් සමග කතාකර අසනීප නිසා ඉක්මනින් ගීත ගායනා කර පිටවී යෑමට අවස්ථාවක් ඉල්ලා සිටියා .

මුලින් ගීත ගායනා කිරීමට අංක ලබාගත් පිරිසක් ලැයිස්තුවේ සිටින බැවින් ඒ අය කැමතිනම් පමණක් ස්ථානය මාරු කරගත හැකි බැව් සංවිධායකයන් ඇයට පවසා සිටියා.

මුලින් ගීත ගායනා කිරීමට අවස්ථාව ලබාසිටි පිරිසේ නාමලේඛනය පරික්ෂා කරමින් සිටි බුලත්සිංහලයන්ගේ මුහුණේ එක වරම සිහින් සිනහවක් රැදුනා , එයට හේතුව ආනන්ද බාලිකාවේ සිටි කාලයේ ඇගෙන් සංගීතය ඉගෙනගත් ශිෂ්‍යාවගේ නාමයද ඒ අතර තිබීමයි .

බුලත්සිංහලයන්ගේ පැරණි ශිෂ්‍යාවකව සිටි ගායිකාව සොයා ගියේ ඇගෙන් ඒ සුළු උපකාරය බලාපොරොත්තුවෙනි. එහෙත් සිදුවුයේ ඈ කිසිසේත් බලාපොරොත්තු වූ දෙයක්නම් නොවේ.

ඈ අවසථාව ලබාදීම ප්‍රතික්ෂේප කළා පමණක්ම නොව . මේ සිටින්නේ තමන්ට සංගීතය ඉගැන්වූ ගුරුවරිය යැයි කියාවත් තැකීමක් කලේ නැත. ඇයව ගනනකටවත් ගත්තේද නැත. එතැනින් ජවනිකාව අවසානවුයේ නම් ඒ ද කම් නැත ඇගේ අහංකාර දෙමාපියන්ගේ ඇනුම්පද ඇසීමටද මාලනී බුලත්සිංහල මහත්මියට සිදුවිය.

ඒවැනි සිදුවීමක් බලාපොරොත්තු නොවූ එතුමියට ඒ සිද්දිය නිසා ඇතිවුයේ දැඩි සිත් රිදිමකි කනගාටුවකි,. එයද දරාගෙන තවත් හෝරා කිහිපයක් රැදී සිට අවස්ථාව පැමිණි පසු ඇයද ගී ගායනා කර පිටවිය.

පසු දිනක තම මිතුරා වන ප්‍රෙමකිරති මහතා හමු වූ අවස්තාවක මේ සිදදිය ඇය සිත් තැවුලෙන් යුතුව පවසනව.. ප්‍රේම කීර්ති මහතා කොලයක් පෑනක් අරගෙන පුංචි පද හතරක් ලියනව.. ලියල මාලනී මහත්මිය අතට දෙනව. ඒකෙ මෙහෙම සදහන් වෙනව..

‍කන්ද කෙන්ද කරනු පිනිස කන්දට ගරහාලා

කෙන්ද කන්ද පාමුල සිටියලු තනි වීලා

අන්ද මන්ද ගන අදුරේ කෙන්ද පටලැවීලා

කන්ද කඩා වැටේ සිතූ කෙන්ද බලාපල්ලා

තමන් සතු වටිනාම දෙය තම ශිෂ්‍යන්ට දීල .. එයාලගෙ දියුනුව බලන් ඉන්නව.. හරිම සතුටින්.. මේ ශිල්ප ගත්ත අය හොද අය වුනත් නැති වුනත් ඇයට ඒක ප්‍රස්නයක් නෙවෙයි.. හැමදේම සතුටින් විද ගන්නව..

ගහේ පිපුන මල් සේරම බබරුන්ටත් දීලා

බලා හිදී ගසක් ඔහේ සුලගේ හිනහීලා

බඹරු වෙතත් දෙඹරු වෙතත් ගහ නැහැ කැලබීලා

ඔහේ සිනා සෙනු මිස විහගුන්ගේ ගී අසලා

මතක තියා ගමු . මල මතක නම් කවදාවත් වැටෙන්නෙ නෑ අපි.. මොන ප්‍රස්නෙට මූන දෙන්න උනත් හයිය අපිට තියනව.. මට ගරු කරපු අය කළ ගුණ සලකපු අයට වරදින්නෙ නෑ. .එයාල සමාජයෙ වැදගත් ලෙස පිලී ගනී. එත් අනික් අය සමාජය විසින්ම නැති කරල දාවි...

කුනාටු සුලි සුලං වැදී ගහකොල පෙරලාවි

මුල හොදනම් ගසක් මුලදි කුනාටු පරදිවී

ගහේම මල් බුදු පුදටත් නෙලා රැගෙන යාවී

ඒ ඈයෝම ඒ ගහේම මල් බිම පාගාවී

Reactions:

3 comments:

  1. ප්‍රවීණ ගායිකාවක වූ මාලිනී බුලත්සිංහලගේ හඬ අපේ හදවත් තුල සදාකල් ලැගුම්ගනු ඇත.

    ReplyDelete
  2. මචෝ මොකක්ද මේ බ්ලොග් එකේ නම කිසි කමකට නෑ බ්ලොග් පොස්ට් කියලනේ තියෙන්නේ පොස්ට් කියලා එකක් නැහැනේ පෝස්ට් කියලා නම් තියනවා. වෙන හොඳ නමක් දාපන්කෝ මේකට

    ReplyDelete
  3. ඔය කියන සිසුවිය සංජීවනී වීරසිංහ කියල තමයි අහල තියෙන්නෙ............

    ReplyDelete